ಇಂದಿನ ದಿನಗಳಲ್ಲಿ ಲ್ಯಾಪ್ಟಾಪ್ ಎನ್ನುವುದು ಕೇವಲ ಫ್ಯಾಷನ್ ಅಥವಾ ಐಷಾರಾಮಿ ವಸ್ತುವಲ್ಲ. ಅದು ವಿದ್ಯಾರ್ಥಿಗಳಿಗೆ ಓದಿಗಾಗಿ, ಉದ್ಯೋಗಿಗಳಿಗೆ ಕೆಲಸಕ್ಕಾಗಿ, ಮತ್ತು ಮನೆಯ ಬಳಕೆಗೆ ಎಲ್ಲರಿಗೂ ಅಗತ್ಯವಾದ ಸಾಧನವಾಗಿದೆ. ಆದರೆ ಲ್ಯಾಪ್ಟಾಪ್ ಖರೀದಿಸುವಾಗ ಹೆಚ್ಚಿನವರು ಮಾಡುವ ತಪ್ಪು ಏನೆಂದರೆ, ಬ್ರ್ಯಾಂಡ್ ನೋಡಿ ಅಥವಾ ಡಿಸ್ಕೌಂಟ್ ನೋಡಿ ತಕ್ಷಣ ನಿರ್ಧಾರ ಮಾಡಿಬಿಡುತ್ತಾರೆ. ಕೆಲವೊಮ್ಮೆ ಸ್ನೇಹಿತರು ಅಥವಾ ಅಂಗಡಿಯವರು ಹೇಳಿದ ಮಾತು ಕೇಳಿ ಸ್ಪೆಕ್ಸ್ ಪರಿಶೀಲನೆ ಮಾಡದೇ ಖರೀದಿಸುತ್ತಾರೆ.
ಆದರೆ ಒಂದು ಲ್ಯಾಪ್ಟಾಪ್ ಖರೀದಿಯಾದ ನಂತರ ಅದನ್ನು ನಾವು ಕನಿಷ್ಠ 3 ರಿಂದ 5 ವರ್ಷ ಬಳಸುತ್ತೇವೆ. ಆ ಅವಧಿಯಲ್ಲಿ ನಿಧಾನವಾಗುವುದು, ಬ್ಯಾಟರಿ ತೊಂದರೆ, ಹೀಟಿಂಗ್ ಸಮಸ್ಯೆ, ಸ್ಕ್ರೀನ್ ಕಣ್ಣಿಗೆ ಕಿರಿಕಿರಿ, ಸ್ಟೋರೇಜ್ ಕಡಿಮೆ ಆಗುವುದು, ಹೀಗೆಯೇ ಹಲವು ಸಮಸ್ಯೆಗಳು ಬರುತ್ತವೆ. ಇಂತಹ ಸಮಸ್ಯೆಗಳು ಆಗದಂತೆ ನೋಡಿಕೊಳ್ಳಲು ಲ್ಯಾಪ್ಟಾಪ್ ಖರೀದಿಸುವ ಮೊದಲು ಕೆಲವು ಮುಖ್ಯ ವಿಷಯಗಳನ್ನು ತಿಳಿದುಕೊಂಡಿರಬೇಕು. ಈ ಲೇಖನದಲ್ಲಿ ಅದನ್ನೆಲ್ಲ ಸರಳವಾಗಿ ಮತ್ತು ಸ್ಪಷ್ಟವಾಗಿ ವಿವರಿಸಲಾಗಿದೆ.
ಮೊದಲು ನಿಮ್ಮ ಬಳಕೆ ಯಾವುದು ಎಂದು ನಿರ್ಧರಿಸಿ
ಲ್ಯಾಪ್ಟಾಪ್ ಆಯ್ಕೆ ಮಾಡಲು ಮೊದಲು ಕೇಳಿಕೊಳ್ಳಬೇಕಾದ ಪ್ರಶ್ನೆ ಇದು: ನಾನು ಈ ಲ್ಯಾಪ್ಟಾಪ್ ಅನ್ನು ಏನಿಗಾಗಿ ಉಪಯೋಗಿಸಲು ಹೋಗುತ್ತಿದ್ದೇನೆ?
ಲ್ಯಾಪ್ಟಾಪ್ ಬಳಕೆ ಬೇರೆ ಬೇರೆ ರೀತಿಯಲ್ಲಿ ಇರಬಹುದು. ಯಾರಾದರೂ ಆನ್ಲೈನ್ ಕ್ಲಾಸ್, ಇಂಟರ್ನೆಟ್, ಯೂಟ್ಯೂಬ್, ಡಾಕ್ಯುಮೆಂಟ್ ಕೆಲಸಕ್ಕೆ ಬೇಕಾಗಿರಬಹುದು. ಇನ್ನೊಬ್ಬರಿಗೆ ಆಫೀಸ್ ಕೆಲಸ, ಪ್ರಾಜೆಕ್ಟ್, ಮೀಟಿಂಗ್ಗಾಗಿ ಬೇಕಾಗಬಹುದು. ಮತ್ತೊಬ್ಬರಿಗೆ ಕೋಡಿಂಗ್, ಪ್ರೋಗ್ರಾಮಿಂಗ್, ಡಿಸೈನ್ ಅಥವಾ ವಿಡಿಯೋ ಎಡಿಟಿಂಗ್ ಉದ್ದೇಶ ಇರಬಹುದು. ಕೆಲವರಿಗೆ ಗೇಮಿಂಗ್ ಪ್ರಮುಖವಾಗಿರಬಹುದು.
ನಿಮ್ಮ ಬಳಕೆಯನ್ನು ಸರಿಯಾಗಿ ಗುರುತಿಸಿದರೆ ಅನಗತ್ಯವಾದ ದುಬಾರಿ ಸ್ಪೆಕ್ಸ್ಗೆ ಹಣ ಕೊಡುವುದಿಲ್ಲ. ಹಾಗೆಯೇ ಕಡಿಮೆ ಸ್ಪೆಕ್ಸ್ ತೆಗೆದುಕೊಂಡು ನಂತರ ಬೇಸರವಾಗುವುದನ್ನೂ ತಪ್ಪಿಸಬಹುದು.
ಪ್ರೊಸೆಸರ್ (Processor) ಅನ್ನು ಸರಿಯಾಗಿ ಆಯ್ಕೆಮಾಡಿ
ಪ್ರೊಸೆಸರ್ ಎಂದರೆ ಲ್ಯಾಪ್ಟಾಪ್ನ ಮೆದುಳು. ಲ್ಯಾಪ್ಟಾಪ್ ವೇಗ ಮತ್ತು ಕಾರ್ಯಕ್ಷಮತೆ ಬಹಳ ಮಟ್ಟಿಗೆ ಪ್ರೊಸೆಸರ್ ಮೇಲೆ ಅವಲಂಬಿತವಾಗಿರುತ್ತದೆ.
ಇಂಟೆಲ್ ಪ್ರೊಸೆಸರ್ಗಳಲ್ಲಿ ಸಾಮಾನ್ಯವಾಗಿ i3, i5, i7, i9 ಮಾದರಿಗಳು ಇರುತ್ತವೆ. AMD ಪ್ರೊಸೆಸರ್ಗಳಲ್ಲಿ Ryzen 3, Ryzen 5, Ryzen 7, Ryzen 9 ಮಾದರಿಗಳು ಇರುತ್ತವೆ.
ಸಾಮಾನ್ಯ ಬಳಕೆಗೆ i3 ಅಥವಾ Ryzen 3 ಸಾಕಾಗಬಹುದು. ಆದರೆ ಇಂದು ಬಹುತೆಕ ಜನರಿಗೆ ಉತ್ತಮ ಆಯ್ಕೆ ಎಂದರೆ i5 ಅಥವಾ Ryzen 5. ಇವು ಬ್ಯಾಲೆನ್ಸ್ ನೀಡುತ್ತವೆ. ಕೋಡಿಂಗ್, ಮಲ್ಟಿಟಾಸ್ಕಿಂಗ್, ಕೆಲಮಟ್ಟದ ಎಡಿಟಿಂಗ್ ಸಹ ಸುಲಭವಾಗಿ ನಡೆಯುತ್ತದೆ.
ಇದರ ಜೊತೆಗೆ generation ಕೂಡ ಗಮನಿಸಬೇಕು. ಉದಾಹರಣೆಗೆ i5 11th gen ಹಾಗೂ i5 13th gen ನಡುವೆ ವೇಗದ ವ್ಯತ್ಯಾಸ ಇರುತ್ತದೆ. ಹೊಸ generation ಆಯ್ಕೆಮಾಡುವುದು ಉತ್ತಮ.
RAM: ಲ್ಯಾಪ್ಟಾಪ್ ಸ್ಮೂತ್ ಆಗಿರಲು ಮುಖ್ಯ ಕಾರಣ
RAM ಕಡಿಮೆ ಇದ್ದರೆ ಲ್ಯಾಪ್ಟಾಪ್ ನಿಧಾನವಾಗುತ್ತದೆ. ಹಲವು ಟ್ಯಾಬ್ಗಳನ್ನು ಓಪನ್ ಮಾಡಿದಾಗ, ಒಂದೇ ಸಮಯದಲ್ಲಿ ಹಲವಾರು ಅಪ್ಲಿಕೇಶನ್ಗಳನ್ನು ಬಳಸಿದಾಗ ಹ್ಯಾಂಗ್ ಆಗುವುದು ಸಾಮಾನ್ಯ.
ಇಂದಿನ ದಿನಗಳಲ್ಲಿ 8GB RAM ಅನ್ನು ಕನಿಷ್ಠ ಮಟ್ಟ ಎಂದು ಹೇಳಬಹುದು. ವಿದ್ಯಾರ್ಥಿಗಳಿಗೆ, ಆಫೀಸ್ ಬಳಕೆಗಾಗಿ 8GB ಸಾಕಾಗಬಹುದು. ಆದರೆ ಕೋಡಿಂಗ್, ಹೆಚ್ಚು ಮಲ್ಟಿಟಾಸ್ಕಿಂಗ್ ಮಾಡುವವರು 16GB RAM ತೆಗೆದುಕೊಳ್ಳುವುದು ಉತ್ತಮ. ವಿಡಿಯೋ ಎಡಿಟಿಂಗ್ ಅಥವಾ ಹೆವಿ ಡಿಸೈನ್ ಕೆಲಸ ಮಾಡುವವರು 32GBವರೆಗೆ ಬೇಕಾಗಬಹುದು.
RAM upgrade ಮಾಡಬಹುದಾದ ಆಯ್ಕೆಯಿದೆಯೇ ಎಂಬುದನ್ನೂ ನೋಡಬೇಕು. ಕೆಲವು ಲ್ಯಾಪ್ಟಾಪ್ಗಳಲ್ಲಿ RAM ಅನ್ನು ಬೋರ್ಡ್ಗೆ ಶಾಶ್ವತವಾಗಿ ಜೋಡಿಸಿರುತ್ತಾರೆ. ಅಂತಹ ಲ್ಯಾಪ್ಟಾಪ್ನಲ್ಲಿ ನಂತರ RAM ಹೆಚ್ಚಿಸಲು ಸಾಧ್ಯವಿಲ್ಲ.
Storage: SSD ಇಲ್ಲದೇ ಲ್ಯಾಪ್ಟಾಪ್ ಖರೀದಿಸಬೇಡಿ
ಲ್ಯಾಪ್ಟಾಪ್ ವೇಗಕ್ಕೆ ದೊಡ್ಡ ಕಾರಣ ಸ್ಟೋರೇಜ್. ಹಳೆಯ ಕಾಲದಲ್ಲಿ HDD ಇತ್ತು. ಅದು ನಿಧಾನ. ಈಗ SSD ಬಂದಿದೆ. SSD ಇದ್ದರೆ ಲ್ಯಾಪ್ಟಾಪ್ ಬೂಟ್ ಆಗುವುದು, ಫೈಲ್ ಓಪನ್ ಆಗುವುದು, ಅಪ್ಲಿಕೇಶನ್ ಲೋಡ್ ಆಗುವುದು ಎಲ್ಲವೂ ವೇಗವಾಗುತ್ತದೆ.
ಇಂದು 512GB SSD ಅತ್ಯುತ್ತಮ ಆಯ್ಕೆ. ಬಜೆಟ್ ಕಡಿಮೆ ಇದ್ದರೆ 256GB SSD ತೆಗೆದುಕೊಳ್ಳಬಹುದು, ಆದರೆ ನಂತರ storage ತೊಂದರೆ ಬರಬಹುದು.
ಕೆಲವು ಲ್ಯಾಪ್ಟಾಪ್ಗಳು 1TB HDD ಮಾತ್ರ ಕೊಡುತ್ತವೆ ಎಂದು ಹೇಳುತ್ತಾರೆ. ಅದು ದೊಡ್ಡದಾಗಿ ಕಾಣಿಸಬಹುದು. ಆದರೆ SSD ಇಲ್ಲದಿದ್ದರೆ ಆ ಲ್ಯಾಪ್ಟಾಪ್ ಅನುಭವ ನಿಧಾನವಾಗುತ್ತದೆ. ಆದ್ದರಿಂದ SSD ಇರಲೇಬೇಕು.
Graphic Card (GPU) ಎಲ್ಲರಿಗೂ ಬೇಕಾಗುವುದಿಲ್ಲ
ಗ್ರಾಫಿಕ್ಸ್ ಕಾರ್ಡ್ ಮುಖ್ಯವಾಗಿ ಗೇಮಿಂಗ್, ವಿಡಿಯೋ ಎಡಿಟಿಂಗ್, 3D ಡಿಸೈನ್, ಅನಿಮೇಶನ್ ಕೆಲಸಕ್ಕೆ ಬೇಕಾಗುತ್ತದೆ.
ಸಾಮಾನ್ಯ ಬಳಕೆ (ಬ್ರೌಸಿಂಗ್, ಆಫೀಸ್, ಕ್ಲಾಸ್) ಮಾಡುವವರಿಗೆ dedicated graphics card ಅಗತ್ಯವಿಲ್ಲ. integrated graphics ಸಾಕಾಗುತ್ತದೆ.
ಆದರೆ ನೀವು ಗೇಮಿಂಗ್ ಅಥವಾ ಹೆವಿ ಎಡಿಟಿಂಗ್ ಮಾಡುತ್ತೀರಾ ಎಂದರೆ NVIDIA GTX ಅಥವಾ RTX ಸರಣಿಯ ಗ್ರಾಫಿಕ್ಸ್ ಇರುವ ಲ್ಯಾಪ್ಟಾಪ್ಗಳನ್ನು ನೋಡಬಹುದು.
Display ಗುಣಮಟ್ಟ: ಕಣ್ಣಿನ ಆರೋಗ್ಯಕ್ಕೂ ಇದು ಮುಖ್ಯ
ಲ್ಯಾಪ್ಟಾಪ್ನಲ್ಲಿ ದಿನಕ್ಕೆ ಗಂಟೆಗಟ್ಟಲೆ ನೋಡುತ್ತೇವೆ. ಡಿಸ್ಪ್ಲೇ ಚೆನ್ನಾಗಿರದಿದ್ದರೆ ಕಣ್ಣಿಗೆ ಬೇಗನೆ ಕಿರಿಕಿರಿ, ತಲೆನೋವು ಬರಬಹುದು.
ಸ್ಕ್ರೀನ್ ಗಾತ್ರದಲ್ಲಿ 14 ಇಂಚ್ ಲ್ಯಾಪ್ಟಾಪ್ಗಳು हल್ಕವಾಗಿರುತ್ತವೆ ಮತ್ತು portability ಹೆಚ್ಚು. 15.6 ಇಂಚ್ ಲ್ಯಾಪ್ಟಾಪ್ಗಳು balanced ಆಯ್ಕೆ. 16 ಇಂಚ್ ಅಥವಾ ಅದಕ್ಕಿಂತ ದೊಡ್ಡದು ದೊಡ್ಡ ಸ್ಕ್ರೀನ್ ಕೊಡುತ್ತದೆ ಆದರೆ ತೂಕ ಜಾಸ್ತಿ.
ಡಿಸ್ಪ್ಲೇ type ನಲ್ಲಿ IPS panel ಉತ್ತಮ. TN panel ಇರುವ ಲ್ಯಾಪ್ಟಾಪ್ಗಳನ್ನು ತಪ್ಪಿಸುವುದು ಉತ್ತಮ. ರೆಸೊಲ್ಯೂಶನ್ ಕನಿಷ್ಠ Full HD ಇರಬೇಕು.
Battry ಜೀವನ: ದಿನಪೂರ್ತಿ ಬಳಕೆ ಸಾಧ್ಯವೇ?
ಲ್ಯಾಪ್ಟಾಪ್ ಖರೀದಿಸುವಾಗ battery backup ಬಹಳ ಮುಖ್ಯ. ವಿಶೇಷವಾಗಿ ವಿದ್ಯಾರ್ಥಿಗಳು ಮತ್ತು ಪ್ರಯಾಣ ಮಾಡುವವರು ಗಮನಿಸಬೇಕು.
ಕನಿಷ್ಠ 5 ರಿಂದ 6 ಗಂಟೆ ಬ್ಯಾಟರಿ ಬಾಳಿಕೆ ಇರಬೇಕು. 7 ರಿಂದ 10 ಗಂಟೆ ಇದ್ದರೆ ಇನ್ನೂ ಉತ್ತಮ. ಗೇಮಿಂಗ್ ಲ್ಯಾಪ್ಟಾಪ್ಗಳಲ್ಲಿ ಬ್ಯಾಟರಿ ಕಡಿಮೆ ಇರುವುದು ಸಹಜ.
ಬ್ಯಾಟರಿ capacity ಬಗ್ಗೆ ತಿಳಿಯಲು Wh (watt-hour) ನೋಡಬಹುದು. ಇದು ಹೆಚ್ಚು ಇದ್ದರೆ ಸಾಮಾನ್ಯವಾಗಿ ಬ್ಯಾಟರಿ ಉತ್ತಮವಾಗಿರುತ್ತದೆ.
Build Quality: ಮುಂದಿನ ಭವಿಷ್ಯ
ಅಗ್ಗದ ಪ್ಲಾಸ್ಟಿಕ್ ಬಾಡಿ ಇರುವ ಲ್ಯಾಪ್ಟಾಪ್ಗಳಲ್ಲಿ ಕಾಲಕ್ರಮೇಣ ಹಿಂಜ್ ಸಮಸ್ಯೆ, ಬಾಡಿ ಬಿರುಕು, ಕೀಬೋರ್ಡ್ ಸಮಸ್ಯೆ ಇತ್ಯಾದಿ ಕಾಣಬಹುದು.
ಲ್ಯಾಪ್ಟಾಪ್ ಅಂಗಡಿಯಲ್ಲಿ ಹಿಡಿದು ನೋಡಿ. ಹಿಂಜ್ ಹೇಗಿದೆ, ಬಾಡಿ ಗಟ್ಟಿಯಿದೆಯೇ ಎಂದು ಪರಿಶೀಲಿಸಿ. ಸಾಧ್ಯವಾದರೆ metal build ಅಥವಾ ಉತ್ತಮ quality plastic build ಇರಲಿ.
Keyboard ಮತ್ತು Trackpad ಅನುಭವ
ಲ್ಯಾಪ್ಟಾಪ್ ಅನ್ನು ದಿನವೂ ಬಳಕೆ ಮಾಡುತ್ತೇವೆ. ಕೀಬೋರ್ಡ್ ಸರಿಯಾಗಿಲ್ಲದಿದ್ದರೆ ಟೈಪಿಂಗ್ ಕಿರಿಕಿರಿಯಾಗುತ್ತದೆ. ಟ್ರ್ಯಾಕ್ಪ್ಯಾಡ್ smooth ಆಗಿರದಿದ್ದರೆ ಕೆಲಸ ನಿಧಾನವಾಗುತ್ತದೆ.
ಹೆಚ್ಚು ಟೈಪಿಂಗ್ ಮಾಡುವವರು (students, writers, coding) backlit keyboard ಇರುವ ಲ್ಯಾಪ್ಟಾಪ್ ತೆಗೆದುಕೊಳ್ಳಬಹುದು. ರಾತ್ರಿ ಸಮಯದಲ್ಲಿ ಇದು ತುಂಬ ಸಹಾಯವಾಗುತ್ತದೆ.
Ports: ನಂತರ Adapter ಹುಡುಕಬಾರದು
ಹೊಸ ಲ್ಯಾಪ್ಟಾಪ್ಗಳಲ್ಲಿ ಪೋರ್ಟ್ಗಳು ಕಡಿಮೆ ಇರುತ್ತವೆ. ಆದರೆ ನಿಮ್ಮ ಕೆಲಸಕ್ಕೆ ಅವು ಅಗತ್ಯವಾಗಬಹುದು.
ಕನಿಷ್ಠ 2 USB-A, 1 USB-C, HDMI, ಮತ್ತು 3.5mm headphone jack ಇರಬೇಕು. ಕೆಲವರಿಗೆ LAN port ಕೂಡ ಬೇಕಾಗಬಹುದು.
Wi-Fi ಮತ್ತು Bluetooth: ಸಣ್ಣದಾಗಿ ಕಂಡರೂ ಮುಖ್ಯ
Wi-Fi 6 ಅಥವಾ Wi-Fi 6E ಇರುವ ಲ್ಯಾಪ್ಟಾಪ್ಗಳು ಉತ್ತಮ. Bluetooth version 5.0 ಅಥವಾ ಅದಕ್ಕಿಂತ ಮೇಲು ಇದ್ದರೆ ಸಂಪರ್ಕ ಉತ್ತಮವಾಗಿರುತ್ತದೆ.
OS: Windows ಬೇಕಾ ಅಥವಾ DOS?
ಕೆಲವು ಲ್ಯಾಪ್ಟಾಪ್ಗಳು Windows pre-installed ಆಗಿ ಬರುತ್ತವೆ. ಕೆಲವೆ DOS ಅಥವಾ No OS ಆಗಿರುತ್ತವೆ. DOS laptop ಅಗ್ಗವಾಗಿರುತ್ತದೆ, ಆದರೆ ನಂತರ OS install ಮಾಡಿಸಬೇಕು.
Beginners ಮತ್ತು studentsಗೆ Windows pre-installed ಉತ್ತಮ ಆಯ್ಕೆ.
ಬಜೆಟ್ ಅನ್ನು ಬುದ್ಧಿವಂತಿಕೆಯಿಂದ ಪ್ಲಾನ್ ಮಾಡಿ
ಮೊದಲು budget decide ಮಾಡಿ. ನಂತರ purpose decide ಮಾಡಿ. ನಂತರ specs shortlist ಮಾಡಿ. ನಂತರ brand ಆಯ್ಕೆಮಾಡಿ.
ಬ್ರ್ಯಾಂಡ್ ನೋಡಿ ಸ್ಪೆಕ್ಸ್ ಬಿಡಬೇಡಿ. ಸ್ಪೆಕ್ಸ್ ನೋಡಿ ಬ್ರ್ಯಾಂಡ್ ಆಯ್ಕೆಮಾಡಿ.
Warranty ಮತ್ತು Services
ಲ್ಯಾಪ್ಟಾಪ್ ಯಾವ ಬ್ರ್ಯಾಂಡ್ ಆದರೂ service center access ಮುಖ್ಯ. ನಿಮ್ಮ ಊರಿನಲ್ಲಿ ಅಥವಾ ಹತ್ತಿರದಲ್ಲೇ authorized service center ಇದೆಯೇ ಎಂದು ನೋಡಿ.
ಒಮ್ಮೆ ಲ್ಯಾಪ್ಟಾಪ್ ಸಮಸ್ಯೆ ಬಂದರೆ service ಪಡೆಯುವುದು ಸುಲಭವಾಗಬೇಕು.
Reviews ನೋಡಿ ನಂತರ ಮಾತ್ರ ಖರೀದಿ ಮಾಡಿ
ಒಂದು model ಇಷ್ಟ ಆಯಿತು ಎಂದರೆ ತಕ್ಷಣ buy ಮಾಡಬೇಡಿ. YouTube ಮತ್ತು Google ನಲ್ಲಿ reviews ನೋಡಿ.
ಹೀಟಿಂಗ್ ಸಮಸ್ಯೆ ಇದೆಯೇ, battery ಹೇಗಿದೆ, display quality, speaker quality, hinge durability ಇವುಗಳನ್ನು ಜನರ ಅನುಭವದಿಂದ ತಿಳಿದುಕೊಳ್ಳಬಹುದು.
ವಿಷಯದ ಉಪಸಂಹಾರ
ಲ್ಯಾಪ್ಟಾಪ್ ಖರೀದಿ ಎಂದರೆ ಒಮ್ಮೆ ಮಾಡೋ ನಿರ್ಧಾರ ಅಲ್ಲ. ಅದು 3 ರಿಂದ 5 ವರ್ಷಗಳ ಬಳಕೆಯ ಹೂಡಿಕೆ. ಆದ್ದರಿಂದ ಹೆಚ್ಚು ಸಮಯ ತೆಗೆದುಕೊಂಡು ಸರಿಯಾಗಿ ಆಯ್ಕೆ ಮಾಡುವುದು ಉತ್ತಮ. ಅತಿ ಕಡಿಮೆ ಬೆಲೆ ಅಥವಾ ದೊಡ್ಡ ಡಿಸ್ಕೌಂಟ್ ನೋಡಿ ತಕ್ಷಣ ಖರೀದಿಸುವುದಕ್ಕಿಂತ, ನಿಮ್ಮ ಬಳಕೆಗೆ ಸೂಕ್ತವಾದ ಸ್ಪೆಕ್ಸ್ ಇರುವ ಲ್ಯಾಪ್ಟಾಪ್ ಆಯ್ಕೆ ಮಾಡುವುದು ಮುಖ್ಯ.
ಈ ಲೇಖನದಲ್ಲಿ ತಿಳಿಸಿದ ವಿಷಯಗಳನ್ನು ನೀವು follow ಮಾಡಿದರೆ, ನೀವು ಖರೀದಿಸುವ ಲ್ಯಾಪ್ಟಾಪ್ ನಿಮ್ಮ ಕೆಲಸಕ್ಕೆ ಸಹಾಯ ಮಾಡುತ್ತದೆ, ಹಣಕ್ಕೆ ಮೌಲ್ಯ ಕೊಡುತ್ತದೆ ಮತ್ತು ದೀರ್ಘಕಾಲ ತೊಂದರೆ ಕೊಡದೆ ಸುಲಭವಾಗಿ ನಡೆಯುತ್ತದೆ.